Friends forever?

Kitni Ajeeb hai ye dosti humari,
ki itne paas hoke bhi itni door ho chuke hai..
har din saath rehne par bhi,
baat bhi nahi kar paate hain..

Ek doosre ke saath waqt guzaarte hain,
par ek doosre ke liye nahi..
ek doosre ko apna maante hain,
par wo apnapan hi raha nahi..

teri har raaz main jaana karta tha,
ab to teri koi khabar bhi nahi,
tere har dukh ka sahara tha,
ab to teri khushi ka bhi hissa nahi..

dost bante waqt na jaane kya socha tha,
ab na jaane kahan aa pahunche hain hum..
tera khaas dost hua karta tha,
ab to sirf ek pehchaan reh gaye hain hum..