A fresh start...

Dil pe koi bhoj hai, use halka karna chahta hoon,
Kahin unkahe dard hain, unhe mitana chahta hoon,
Chaaron taraf kohra hai, use hatana chahta hoon,
Jahan bhi dekhun andhere hai, roshni ki ek kiran chahta hoon,
Bandhe hue se lag raha hai, chootke nikalna chah raha hoon,
Ghutan si mehasoos ho rahi hai, aazad hona chah raha hoon,
Aaj kahin dino baad, phir se jeena chah raha hoon...

Alone in the crowd...

Aaj is bheed mein khudko akele paa raha hoon,
Itne doston ke saath hote bhi ek sahara doondh raha hoon,
Apnon ke beech rehke bhi paraya lag raha hai,
Aaj na jaane meri zindagi mein kyun ek kami lag rahi hai,
Ab sab se door koi tanhayi chah raha hoon,
Khudke saath guzaarne kuch waqt chah raha hoon,
Apne hi khayalon mein kho jaana chahta hoon,
Apne uljhe hue vicharon ko suljana chahta hoon...